Türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyz Türkmenistanyň Prezidentini Serdar Berdimuhamedowy doglan güni mynasybetli türkmen halkynyň hem-de Halk Maslahatynyň adyndan tüýs ýürekden gutlady. Gahryman Arkadagymyzyň Gutlagynda Arkadagly Gahryman Serdarymyzyň baştutanlygynda agzybir halkymyzyň beýik özgertmeler ýolunda aýdyň maksatlar bilen ynamly öňe barýan Watanymyzda Garaşsyzlyk baýramyny uly zähmet üstünlikleri bilen dabaralandyryp, nesilleriň bagtyýar geljegi üçin täze ösüşleriň binýadyny gurýandygy öz beýanyny tapýar.

Ýeri gelende bellesek, hormatly Prezidentimiziň doglan güni mynasybetli Gutlaglar dostlukly ýurtlaryň Döwlet we Hökümet baştutanlaryndan, halkara guramalaryň ýolbaşçylarydyr wekillerinden hem gelip gowuşýar.